27/12/23
Chegada dos Reis Magos ao CEIP Coirón Dena
Os Reis Magos chegaron este ano en tren ao colexio e logo bailaron cos seus elfos un baile de Nadal de moda. Grazas Reis, grazas Concello de Meaño por traelos en tren e grazas ANPA Sementeira por todo o que facedes no colexio!!
Feliz Nadal 2023!
O Nadal trae marabillosos momentos ao noso colexio, nestas fotos podedes ver unha mostra deste ano: chegada dos Reis en tren, bailes, cancións, festas, búsqueda dos adornos extraviados polos elfos da árbore de Nadal... Un día para lembrar!!
22/12/23
DIIVERSIDADE FUNCIONAL 2023
Un día de concienciación sobre o diversas e diversos que somos, sobre como sobrepoñernos ás trabas que, ás veces nos pon a vida, a ser resilientes e , sobre todo, a RESPECTAR.
OBRADOIRO DE GOSPEL
O gospel é un xénero musical caracterizado polo uso dominante de coros co uso da armonía. As nenas e os nenos de 3º e 6º así o aprendemos no obradoiro deste xeito de interpretar un tema.
8/12/23
2º CICLO ECOSISTEMAS ACUÁTICOS
Para coñecer de primeira man os ecosistemas acuáticos mariños, as nenas e nenos do 2º ciclo marcharon a O Grove e visitaron o seu acuario.
3/12/23
DÍA INTERNACIONAL PARA A ELIMINACIÓN DA VIOLENCIA CONTRA DA MULLER
Sumarnos a un berro, sumarnos a unha petición, sumarnos a unha ilusión...NON Á VIOLENCIA CONTRA DA MULLER!
26/11/23
CURSO DE VELA
Esta semana o alumnado de 3º marchou a Sanxenxo para sucar os mares. Unha resplandecente mañá de novembro para esta toma de contacto co deporte marítimo.
23/11/23
CONTEXTOS E MASCOTAS
Continuamos a traballar por contextos coñecendo o noso corpo e o seu funcionamento. Esta semana tamén recibimos unha visita moi especial... a das nosas mascotas!
22/11/23
CARREIRA CAMPO A TRAVÉS
A choiva deunos unha tregua e alá marchamos á Carreira Campo a través. Día de deporte, competición, convivencia e recoñecementos. O mellor, poder participar xunto a nenas e nenos doutros lugares.
11/11/23
MAGOSTO
A festa das castañas, o magosto, pasado por auga , pero con celebración por todo o alto. Obradoiro de baile tradicional coa teacher Alba, xogos populares no túnel e degustación do saboroso froito do castiñeiro. Que máis pedir ?
1/11/23
TÚNEL DO MEDO 2023-24
Arrepiante o percorrido polo túnel do medo, grandes e pequenos disfrutámolo moito. Moitas grazas á ANPA Sementeira por facelo posible unha vez máis.
CONTEXTOS ÓSOS, MÚSCULOS, ECOSISTEMAS
Pescudas fotográficas, crebacabezas, modelado...distintos xeitos de traballar os contextos...desta vez foi o turno dos ósos, dos músculos e dos ecosistemas.
Contacontos de medo!!!
E coma non...polo Samaín toca contar contos de medo...Este ano tivemos a sorte de que os nosos e as nosas "contistas" fosen de primeira categoría, basta ver as cariñas dos e das ointes...
31/10/23
Concurso de cabazas no Samín
Coma sempre as familias sorprendéronnos un ano mais cuns traballos marabillosos, todas e cada unha delas merecían un premio pero o xurado enfrentouse á dura tarefa de ter que escoller tres de cada ciclo de Primaria e outras tres de Infantil
Grazas polo voso traballo e a seguir sendo tan creativos e participativos!!!!
24/10/23
OBRADOIRO DE COMIDA SAUDABLE CONTEXTOS 5º E 6º
Comida saudable é sinómino de comida saborosa e así o comprobamos neste obradoiro.
12/10/23
CONTEXTOS SAÍDA 3º E 4º
Andaina protagonizada polo alumnado de 3º e 4º. Saír á nosa contorna, observar, investigar, aprender e gozar!!!
APERTURA BIBLIOTECA RATICONTO
Un curso máis, Raticonto dá a benvida a todas as nenas e todos os nenos á súa casa.
CONTEXTOS ANUNCIO PROTEÍNAS
As nenas e nenos de 5º e 6º recórdannos o importante que é consumir alimentos ricos en proteínas.
7/10/23
COMEZAMOS CONTEXTOS
Neste curso imos aprender dun xeito diferente sendo partícipes, investigando, colaborando, creando, experimentando, xogando...chegaron os contextos ao noso cole.
30/9/23
BENVIDA A ESTE NOVO CURSO
Aquí estamos outra vez. Un curso máis. Reencontros, emocións, novidades...Benvidas e benvidos!!!
27/6/23
RatinovasPress 2022-23
A revista do noso centro, a nosa publicación. Pasade e mirade!!! Boas vacacións!!!
22/6/23
GRADUACIÓN 6º
Finalizan unha etapa, comezan outra. Chicas e chicos de 6º, parabéns!!! Moita sorte !!!
GRADUACIÓN 5 ANOS
Hoxe celebramos o noso cambio de etapa. Pasamos a Primaria. Así foi a nosa graduación.
21/6/23
14/6/23
8/6/23
VISITA DO ESCRITOR E ILUSTRADOR ANXO FARIÑA
Este luns, por iniciativa da Biblioteca Raticonto, visitounos o escritor e ilustrador Anxo Fariña para falarnos de dúas das súas publicacións que lemos en 5º, "Os ecos do lume" e 6º, ""Os megatoxos e o reto de Internet".
5/6/23
ECOPARQUE MARÍN 3º-4º-5º
Un novo concepto de lecer, aventura e turismo activo que respecta ao máximo os recursos naturais. Este parque que visitou e disfrutou o alumnado de 3º, 4º e 5º agrupa, nun entorno natural : aventura, educación, respecto pola natureza, coñecemento do medioe o goce mediante a actividade física...quen dá máis?
VELA NO PORTO DEPORTIVO DE SANXENXO
Non corta o mar senón voa un veleiro bergantín...día de navegación e emoción!
VISITA AO IES
Dentro do chanzo Primaria-Secundaria o alumnado de 6º realiza, a finais de curso, unha visita ao IES. onde se lles dan as explicacións oportunas de cara ao vindeiro curso ademais de compartir momentos de lecer coas chicas e chicos que foron e van ser as e os seus compañeiras e compañeiros.
CONTACONTOS EXCEPCIONAIS
As e os axudantes da biblio fixeron de contacontos para algún do alumnado de infantil. Pasárono xenial, tanto as e os maiores coma as e os peques Ademais xa hai futuras axudantes que devecen por botar unha man....
"GOLFEANDO EN 5º"
Armenteira, campo de golf, alá fomos os de 5º a practicar un pouquiño. A ver , o noso "swing" aínda non está moi perfecto...pero, alomenos, tentámolo e pasámolo moi ben!
DE MARISQUEO EN INFANTIL
Da man de Guimatur, as nenas e os nenos de 5º e 6º de Infantil, marchamos mariscar a Cambados. Mañá soledada, entorno histórico e praia...aprezamos a dura tarefa das e dos mariscadoras e mariscadores. E disfrutamos moito!
AS E OS DE 3º VIAXAMOS A SANTIAGO DE COMPOSTELA
Un día de paseo pola nosa capital, visitando lugares emblemáticos, percorrendo as súas máxicas rúas, como peregrinas e peregrinos, despois dun longo curso, unha bonita recompensa.
OBRADOIROS DE XABÓN EN INFANTIL
Desta vez foron as e os máis peques do cole os que se apuntaron á fabricación de xabón. Toda unha
experiencia"pomposa".
.
2/6/23
23/5/23
13/5/23
OBRADOIROS DE XABÓN
Desde 1º a 3º obradoiros de xabón artesanal. Elaborado a man desde o primeiro e ata o último paso con ingredientes naturais de orixe vexetal que axuda ao coidado do medio ambiente ao non empregar químicos na súa elaboración.
RECOLLEMOS OS NOSOS FABÓNS
O sementado deu o seu froito e non hai mellor gratificación que poder recoller o resultado do noso traballo.
6/5/23
PLAN DIRECTOR CIBERSEGURIDADE
Onte tivemos, dentro do programa Plan Director, unha charla sobre ciberseguridade onde nos ensinaron como manexarnos, de xeito seguro, cos nosos dispositivos.
3/5/23
Multideporte
A semana pasada recibimos no colexio para unha nova xornada de multideperote aos/ás compañeiros/as do CEIP As Covas. Unha mañá de deporte e convivencia.
DÍA DA ACTIVIDADE FÍSICA
O día 6 de abril foi instaurado no ano 2002 pola OMS (Organización Mundial da Saúde) co fin de concienciar á poboación sobre a importancia da actividade física diaiae o beneficios que representa para a saúde. Este curso celebrámolo no colexio, como non podía der doutra maneira, no noso pavillón xogando e compartindo.
2/5/23
VISITA DE ÉRICA ESMORÍS
Visitounos Érica Esmoris para falarnos sobre o libro que estivemos a ler en 3º e 4º, "Patio de LUces", unha historia ben bonita sobre unha nena, Lea, que pasa os venres pola tarde co seu avó que é porteiro nun edificio. Lea sae ao paio de luces, algo que non debería facer, e así comeza a aventura.
TEATRO CARACOL
Un ano máis o Teatro Caracol de Cambados agasallounos cunha obra de teatro. Esta vez nada máis e nada menos que unha adaptación dun dos "Autos Sacramnetais" do insigne Calderón de la Barca. "O gran teatro do mundo ",levaba por título, sorrisos,risas, música...Que grande!
!
A REMAR!!!
Iniciación ao piragüismo protagonizado polas chicas e polos chicos de 6º. Remando ao vento!
UN ESTANQUE CHEO DE VIDA
Un pequeno ecosistema no noso centro. o estanque, un lugar onde aprender a respectar aos seres vivos que nos arrodean.
CITA CUN LIBRO
Xogo de intriga...que libro será? Cinco pistas e unha semana para adiviñalo...Fostes quen de facelo???Así celebramos o Día do Libro e dos Dereitos de Autor.
CREANDO SOBRE BOLSAS ECOLÓXICAS
Activade ofertada por A Fundación que lle permitiu ao alumnado de 3º e 4º crear sobre bolsas con pintura ecolóxica.
PLANTANDO ÁRBORES CON PINCEIS
Promovida por A Fundación unha actividade na que decoramos un dos muros do noso centro con pinturas ecolóxicas cun resultado moi vistoso.
.
UNHA BIBLIOTECA CADA VEZ MÁIS ACOLLEDORA
A casiña de Raticonto cada vez máis cuca...un espazo moi acolledor onde compartir ratiños de lecer en boa compaña.
26/3/23
VISITA DO HEMATOCRÍTICO
Recibimos ao Hematocrítico na nosa Bibioteca Raticonto. Os e as peques do cole lemos dous dos seus libros, "Gaivota Gourmet", a historia da gaivota Mori á que lle encanta comer sempre no mesmo restaurane, o patio do cole! e "Un can" que conta a historia de Moncho que é un can aínda que algúns non queiran recoñecelo.
Preparamos o espazo lector coas nosas creacións para o día da visita. Quedou ben bonitiña!
O hematocrítico falounos das súas publicacións e agasallounos cunha riquísima galleta e, por suposto, firmou os nosos exemplares...
Que mañá tan divertida...e rica, rica!!!
MIRADE COMO TRABALLAMOS E QUE CHULA QUEDOU A BIBLIOTECA...SABOROSA GALLETA!!!
GRAZAS HEMATOCRÍTICO!!!
PRESENTACIÓN NA NOSA BIBLIOTECA
FIRMA DOS NOSOS LIBROS
19/2/23
UNHA SEMANA DE RATICOMANDAS
Unha semana chea de disfraces... é que, o noso Raticonto tivo unhas ideas moi chulas para as comandas deste ano onde sentindo onde vivimos tapamos a cabeza, mimetizámonos coa nosa contorna e ata apagamos incendios!!!Chegou así o xoves onde cadaquén ataviouse como desexou e logo...día grande... o defile do venres...CONTINUARÁ...
11/2/23
Xornadas de multideporte
Días para compartir a práctica de distintos deportes con compañeiras e compañeiros doutros centros da nosa zona.
28/1/23
Suscribirse a:
Entradas (Atom)