Fomos a visitar aos bombeiros do Campiño en Marcón, Pontevedra. Ao chegar xa tivemos a primeira sorpresa, un camión de bombeiros. Fomos logo a ver uns vídeos sobre os incendios e o traballo que fan estos grandes homes, pero de repente saimos a fume de carozo da sala xa que o helicóptero que teñen e estaba apagando o lume de Mondariz, chegaba para repostar queroseno.
Subimos ao heliporto e alí explicáronnos a fondo como é o traballo destas brigadas. Coñecemos aos bombeiros que viñan de Mondariz e contáronnos o que estaba pasando alí.
Mentras os pilotos descansaban deixáronnos subir por turnos ao helicóptero e velo de cerquiña, que marabilla!!
Baixamos do heliporto para, dende un lugar seguro, despedir ao helicóptero e aos valentes que ían nel.
Fomos a merendar e despois todos/as fixemos de bombeiros con casco e mangueiras profesionais. Finalmente todos e todas fixemos o xuramento dos cortalumes. Agora o alumnado de 1º e 2º do CEIP Coirón Dena SOMOS CORTALUMES!!
Foi un gran día!
Dende aquí queremos agradecer aos bombeiros que nos recibiran incluso prescindindo do seu día libre, xa que moitos estaban en Mondariz traballando arreo para acabar co lume, tamén o noso recoñecemento polo gran traballo que fan e porque sabemos que con xente coma vós podemos sentirnos a salvo
GRAZASSSSSSSSSSSSSSSSSSSSSSS!
